Wednesday, October 31, 2007

بداية الشتاء





الجو هالايااام مستوي حلوو وخاصة على الليل
وتوقعاتي لها الشتااء انه بيكون بااارد وااااااااااايد
يعني ما شاء الله نحن في شهر 10 والجو بااارد ظاري على 12 ويالله يالله نحس ببرودة

الله يجعل هالشتاااء كله امطاااار خير وبركه

بالنسبة لي انااا..

واااااااايد اتفئل يوم انش الصبح ويكون الجووو كله ضبااااب

لان عقب فترة اشوف الجو يغيم عدناااا





مادري هل هي نظرية صيحية والا خربطشين منييي بس اكييييد خربطشين

بس اللي يخليني أأكد نظريتي >>كاني بدش العالم من اوسع ابوابه << اني قريت في الجريدة في اعصار
متكون في بحر العرب نحن مابيجسينا بس بنتأثر بالمنخفض جوي التابع له
وعلى اساس انه متوقعين سقوط امطار يوم الخميس..

بس في البرنامج اللي عندي جنه مأخر




لو تلاحظون في الصورة كم درجة الحرارة الحين جريب الفجر .. الساعة 4:22

صدق يمده برع

** الساعة 7 الصبح ضفت هالصورة**


صح من غير الاسبوع اللي طاف كان طايح عدنا في كذا منطقة مطر وبرد

نحن ولله الحمد مايطيح عدنا شي بس نشوف الغيم جدا اليبااال

وايد رمست اليوم بس.. مستاااانسة على المطر اللي بيطيح عدناااا

ويارب يطيح ويجعلها امطار خير وبركه


اللهم اسقنا الغيث ولا تجعلنا من القانطين

Friday, October 26, 2007

صامدوون 1

صارلي كم شهر من تخرجت .. كنت اقول واخيرا بيلس في البيت وبرتااااح
لكن الحالة اللي يتني .. كرهتني في عيشتي ..

جاستني حالة ادمان على المسلسلات
بحيااتي ماتابعت هالكثر مسلسلات ..

فوق الــ3 مسلسلات اتابعها في اليوم سواء منزله على اللابتوب والا اشوفها من التلفزيون
حتى قمت احس المسلسلات تداخلت في بعضها.. الفيوزات صدق اضربت في بعضها لووول
يعني اتابع واقول ليش صار جيه مع ان الحلقة اللي طافت مالها خص في السالفة
خلونا نعد..
الاصيل
باب الحارة
على حافة الهاوية
رحلة شقا
حراير

وبالنسبة للرقااد .. قلت خلاص انا مأجزة برقد على راحتي .. الا اشوف اني مليت منه..
يعني عادي ارقد بس ساعتين في اليوم !!!
صح اني اتم تعبااانه وابا ارقد بس احس اني ماااروم

انا فجووورة اللي كنت مدمنة على اليلسة على النت قمت ما ايلس عليه وايد..
يعن كل شي انجلب في حياااتي..

فكرت ادخل دورات .. بس كل ما اتحمس لدورة يستويلي ظرف وتتكنسل هالدورة!!!
اما بالنسبة للشغل برمس فيه في صااامدوون 2

ياااااارب ارحمني من هالبطااالة اللي انا عايشتنها ..

Sunday, October 14, 2007

عيدكم مبارك



السلام عليكم ورحمة الله وبركاته،،،


عيدكم مبارك وعساكم من العايدين والفايزين ان شاء الله


اتمنى ان ربي يتقبل صيامنا وصلاتنا وقيامنا وركوعنا وسجدونا..